விஜய் சொல்லிக் கொடுத்த டான்ஸ் ஸ்டெப் போட்ட அனிருத்!

மாஸ்டர் படத்தில் வரும் வாத்தி கம்மிங் பாடலுக்கு கடுமையான பயிற்சி மேற்கொண்ட அனிருத் அந்த பாடலின் ஸ்டெப்பை போட்டு வீடியோ வெளியிட்டுள்ளார்.

வாத்தி கம்மிங் பாடலுக்கு இசையமைப்பாளர் அனிருத் டான்ஸ் ஆடிய வீடியோவை வெளியிட்டுள்ளார்.

இயக்குநர் லோகேஷ் கனகராஜ் இயக்கத்தில் தளபதி விஜய், விஜய் சேதுபதி, மாளவிகா மோகனன் ஆகியோர் பலர் நடிப்பில் உருவாக்கப்பட்டுள்ள படம் மாஸ்டர். கல்விமுறையைப் பற்றிய படமாக மாஸ்டர் உருவாக்கப்பட்டுள்ளது.

எக்ஸ்பி கிரியேட்டர்ஸ் நிறுவனம் சார்பில் சேவியர் பிரிட்டோ இந்தப் படத்தை தயாரித்துள்ளார். அனிருத் இந்தப் படத்திற்கு இசையமைத்துள்ளார். 12 பாடல்கள் இடம்பெற்றுள்ள மாஸ்டர் படத்தின் 8 பாடல்கள் ஏற்கனவே வெளியிடப்பட்டு ரசிகர்களிடையே நல்ல வரவேற்பு பெற்றுள்ளது.

இந்தப் படத்தில் உள்ள வாத்தி கம்மிங் பாடல் உலகம் முழுவதும் ரசிகர்களிடையே நல்ல வரவேற்பு பெற்றது. அதோடு, இந்த பாடலுக்கு டான்ஸ் ஸ்டெப் போட்டு பலரும் வீடியோ வெளியிட்டுள்ளனர்.

அந்த வகையில், அனிருத்தும் இந்தப் பாடலுக்கு டான்ஸ் ஸ்டெப் போட்டுக் காட்டிய வீடியோவை டிக் டாக் செய்து வெளியிட்டுள்ளார். அந்த வீடியோ சமூக வலைதளங்களில் வைரலாகி வருகிறது. இதற்கு முன்னதாக மாஸ்டர் இசை வெளியீட்டு விழாவில் விஜய், சாந்தனு ஆகியோர் மேடையில், இந்தப் பாடலுக்கு டான்ஸ் ஆடுவார்கள்.

ஆனால், அனிருத் மட்டும் தனக்கு ஆட வராது என்பது போன்று சைகை காட்டியவாறு மேடையிலே நிற்பார். தற்போது கிட்டத்தட்ட ஒரு மாத கடுமையான பயிற்சிக்குப் பிறகு வாத்தி கம்மிங் பாடலுக்கு அனிருத் டான்ஸ் ஆடியுள்ளார் என்பது குறிப்பிடத்தக்கது.

Leave a Reply

Your email address will not be published. Required fields are marked *