HomeCinemaவிஜய் பற்றி நீங்க கேள்விப்பட்டது எல்லாமே பொய்

விஜய் பற்றி நீங்க கேள்விப்பட்டது எல்லாமே பொய்

தளபதி 65 படத்தை இயக்கப் போவது யார் என்று கூறி வெளியான தகவல் குறித்த உண்மை தெரிய வந்துள்ளது.
தளபதி 64

பிகில் படத்தை அடுத்து விஜய் லோகேஷ் கனகராஜ் இயக்கத்தில் தளபதி 64 படத்தில் நடித்து வருகிறார். படப்பிடிப்பு கர்நாடாகா மாநிலம் ஷிவமோகாவில் நடந்து கொண்டிருக்கிறது. இந்நிலையில் தளபதி 65 படம் குறித்த பேச்சு கிளம்பியுள்ளது. தளபதி 65 படத்தை ஏ. ஆர். முருகதாஸ் இயக்குகிறார் என்றும், அதை சன் பிக்சர்ஸ் நிறுவனம் தயாரிக்கிறது என்றும் ஒரு தகவல் வெளியாகி தீயாக பரவியது. அந்த தகவலால் விஜய் ரசிகர்கள் மகிழ்ச்சி அடைந்தார்கள்.

முருகதாஸ், விஜய்

சர்கார் படத்தை அடுத்து முருகதாஸ், விஜய் வெற்றிக் கூட்டணி சேர்கிறது என்று ரசிகர்கள் சந்தோஷப்பட்டார்கள். ஆனால் அந்த சந்தோஷம் நிலைக்கவில்லை. காரணம் தளபதி 65 படத்தை முருகதாஸ் இயக்கவில்லையாம். சொல்லப் போனால் விஜய் லோகேஷ் கனகராஜ் படத்தில் மட்டுமே கவனம் செலுத்தி வருகிறாராம். இந்த பட வேலை முடியும்போது தான் அடுத்த படத்தில் நடிப்பது குறித்து முடிவு செய்வாராம் விஜய்.

வெற்றிமாறன்

தளபதி 65 படத்தை வெற்றிமாறன் இயக்கப் போவதாகவும் கூறப்பட்டது. ஆனால் வெற்றிமாறன் சூர்யாவை வைத்து படம் எடுக்கப் போகிறார். சூர்யா 40 என்று தலைப்பு வைக்கப்பட்டுள்ள அந்த படத்தை கலைப்புலி எஸ். தாணு தயாரிக்கிறார். இதற்கிடையே விஜய் மீண்டும் லோகேஷ் கனகராஜ் இயக்கத்தில் நடிக்கக்கூடும் என்றும் கூறப்படுகிறது. இருப்பினும் இது எதுவும் இன்னும் முடிவாகவில்லை.

பேரரசு

விஜய்யை வைத்து மீண்டும் ஒரு படத்தை எடுக்க அட்லியும் ஆசைப்படுவதாக கூறப்படுகிறது. இதற்கிடையே பேரரசுவின் பெயரும் அடிபட்டது. இது குறித்து அறிந்த பேரரசு இல்லை, இல்லை நான் விஜய்யை இயக்கவில்லை. ஆனால் வாய்ப்பு கிடைத்தால் நிச்சயம் இயக்குவேன். அவருக்காக கதை ஒன்று எழுதி வைத்திருக்கிறேன் என்று தெரிவித்துள்ளார். கையில் இருக்கும் படத்தில் மட்டும் கவனம் செலுத்துகிறார் விஜய். அவர் அந்த படத்தை முடிக்கும் வரை காத்திருக்க வேண்டியது தான்.

RELATED ARTICLES

Most Popular

Recent Comments