கடுமையாக எச்சரித்த விஜய்: ரூட்டை மாத்திய எஸ்.ஏ. சந்திரசேகர்

விஜய் கடும் எச்சரிக்கை விடுத்து நோட்டீஸ் அனுப்பிய பிறகு எஸ்.ஏ. சந்திரசேகர் தன் மனதை மாற்றிக் கொண்டுள்ளாராம். கட்சியை தன் பெயரில் துவங்க முடிவு செய்திருக்கிறாராம்.

கட்சி பெயர் விவகாரத்தில் எஸ்.ஏ.சி. அதிரடி முடிவு
அப்பாவுக்கு வக்கீல் நோட்டீஸ் அனுப்பிய விஜய்

விஜய்யை அரசியலுக்கு அழைத்து வர அவரின் தந்தையும், இயக்குநருமான எஸ்.ஏ. சந்திரசேகருக்கு ஆசை. ஆனால் அண்மை காலமாக அப்பா, மகன் இடையேயான உறவில் விரிசல் ஏற்பட்டு நாளுக்கு நாள் அது பெரிதாகிக் கொண்டிருக்கிறது. இந்நிலையில் அகில இந்திய தளபதி விஜய் மக்கள் இயக்கம் என்கிற பெயரில் கட்சியை பதிவு செய்ய முயன்றார் எஸ்.ஏ. சந்திரசேகர்.

இதை பார்த்த விஜய்யோ, தன் அப்பாவின் கட்சிக்கும், தனக்கும் எந்தவித தொடர்பும் இல்லை என்று விளக்கம் அளித்தார். மேலும் தன் ரசிகர்கள் யாரும் அந்த கட்சியில் சேரக் கூடாது என்றார். இதையடுத்து கட்சி வேலையை நிறுத்தி வைத்திருந்தார் எஸ்.ஏ. சந்திரசேகர்.

இந்நிலையில் பொங்கல் பண்டிகை நாளன்று தன் கட்சி குறித்த அறிவிப்பு வெளியிடப்படும் என்று அண்மையில் எஸ்.ஏ.சந்திரசேகர் தெரிவித்தார். இது குறித்து அறிந்த விஜய்யோ, தன் அனுமதி இல்லாமல் தன் பெயரில் எஸ்.ஏ.சந்திரசேகர் கட்சி பெயரை பதிவு செய்ய அனுமதி அளிக்கக் கூடாது என்று தேர்தல் ஆணையத்திடம் புகார் தெரிவித்தார். அந்த புகார் மனுவை ஏற்று, விஜய் பெயரில் கட்சி துவங்க தேர்தல் ஆணையம் அனுமதி மறுத்தது.

இதையடுத்து அனைத்திந்திய எஸ்.ஏ.சந்திரசேகர் மக்கள் கட்சி என்கிற பெயரில் கட்சி துவங்கப் போகிறாராம் எஸ்.ஏ.சி. இந்நிலையில் தன் பெயரையோ, புகைப்படத்தையோ பயன்படுத்தக் கூடாது என்று வக்கீல் நோட்டீஸ் அனுப்பி வைத்துள்ளார் விஜய்.

இந்த வக்கீல் நோட்டீஸால் அப்பா, மகன் இடையேயான மோதல் மேலும் வலுத்துள்ளதாம். ஏற்கனவே கடந்த 6 மாதங்களாக விஜய்யும், அவரின் அப்பாவும் பேசிக் கொள்ளவில்லையாம். கிறிஸ்துமஸ் பண்டிகை அன்று விஜய் தன் அப்பாவை சந்தித்து தங்க மோதிரம் பரிசளித்தார் என்று எஸ்.ஏ.சி. தரப்பில் தெரிவிக்கப்பட்டது. ஆனால் அப்பா, மகன் பேசுவதே இல்லை, இதில் எங்கிருந்து சந்திப்பது என விஜய் தரப்பில் கூறப்பட்டது.

மேலும் எஸ்.ஏ. சந்திரசேகர் தரப்பு தொடர்ந்து வதந்தியை பரப்பி வருவதாக விஜய் தரப்பு கூறுகிறது. இதற்கிடையே விஜய் ஒரு விஷ வளையத்தில் சிக்கியிருப்பதாக எஸ்.ஏ. சந்திரசேகர் கூறினார். அவர்கள் விஜய்க்கு நல்லது செய்பவர்கள் இல்லை என்றார் என்பது குறிப்பிடத்தக்கது.

Leave a Reply

Your email address will not be published. Required fields are marked *