HomeBreaking newsஇரவோடு இரவாக கொழும்பில் வெடித்த பதற்றம்! “கோட்டா கோ கம” தகர்ப்பு ! ஆர்ப்பாட்டக்காரர்கள்கைது...

இரவோடு இரவாக கொழும்பில் வெடித்த பதற்றம்! “கோட்டா கோ கம” தகர்ப்பு ! ஆர்ப்பாட்டக்காரர்கள்கைது – இராணுவம் காட்டுமிராண்டித்தன தாக்குதல்

இராணுவத்தினரின் கொடூர தாக்குதலுக்கு இலக்காகி காயமடைந்துள்ள இளைஞர்களை வைத்தியசாலைக்கு கொண்டு செல்ல அனுமதி மறுக்கப்பட்டுள்ளதாக போராட்டக்காரர்கள் தெரிவித்துள்ளனர்.

குறித்த பகுதியிலிருந்து போராட்டக்காரர்கள் வெளியேறாத வண்ணம் கோட்டா கோ கம பகுதியை சுற்றியுள்ள அனைத்து பாதைகளும் மூடப்பட்டுள்ளது.

இந்நிலையில்,கோட்டா கோ கம பகுதிக்கு தற்போது காவல்துறை உயரதிகாரிகளின் பாதுகாப்புடன் துப்பரவுப் பணியாளர்கள் அழைத்து வரப்பட்டு எஞ்சியிருக்கும் கூடாரங்கள் மற்றும் தடயங்களை அகற்றும் நடவடிக்கை முன்னெடுக்கப்பட்டுள்ளதாக தெரிவிக்கப்படுகிறது.

அதிபர் செயலகத்திற்கு முன்பாக அமைக்கப்பட்டிருந்த கோட்டா கோ கம போராட்டக்களம் முற்றுமுழுதாக இராணுவத்தினரின் கட்டுப்பாட்டுக்குள் கொண்டுவரப்பட்டுள்ளதாக தெரிவிக்கப்படுகின்றது.

இதன்போது போராட்டக்களத்திலிருந்த சட்டத்தரணி ஒருவர் உட்பட 10 போராட்டக்கள செயற்பாட்டாளர்கள் கைது செய்யப்பட்டுள்ளதாகவும் தெரியவந்துள்ளது.

மேலும், காலிமுகத்திடல் பகுதிக்கு சிவில் உடையணிந்த இராணுவத்தினர் நூற்றுக்கணக்கானோர் சற்று முன்னர் வருகை தந்துள்ளதாக போராட்டக்காரர்கள் தெரிவித்துள்ளனர்.

கொழும்பு – காலிமுகத்திடல் பகுதிக்குச் சென்ற ஊடகவியலாளர்களுக்கு இராணுவத்தினர் அனுமதி மறுத்துள்ளதுடன், காலிமுகத்திடல் பிரதேசத்திற்குச் செல்லக்கூடிய அனைத்து வழிகளும் அடைக்கப்பட்டு முற்றாக இராணுவக் கட்டுப்பாட்டின் கீழ் கொண்டு வரப்பட்டுள்ளது.

காலி வீதியில் கொள்ளுப்பிட்டி சந்தியின் சுற்றுவட்டத்தில் இருந்து பாதை மூடப்பட்டுள்ளதுடன், ஷங்கிரிலா ஹோட்டல் அருகில் பாலதக்‌ஷ மாவத்தையும் குறுக்காக மறிக்கப்பட்டுள்ளது.

மறுபுறத்தில் சைத்திய வீதி, லோட்டஸ் வீதி என்பனவும் குறுக்காக மறிக்கப்பட்டு இராணுவக் கட்டுப்பாட்டுக்குள் கொண்டு வரப்பட்டுள்ளது.

இந்த நிலையில், காலி முகத்திடல் பிரதேசத்தை நோக்கிச் செல்ல எந்தவொரு உள்நாட்டு மற்றும் வெளிநாட்டு ஊடகவியலாளர்களுக்கும் அனுமதி மறுத்துள்ளதுடன், செல்ல முற்படும் சந்தர்ப்பத்தில் கைது செய்யப்பட நேரிடும் என்றும் எச்சரித்துள்ளனர்.

ருந்த சில பகுதிகளை இராணுவம், காவல்துறை இணைந்து கைப்பற்றியுள்ளதாகவும் மூன்று போராட்டக்காரர்களின் பிரதிநிதிகள் மீது இராணுவத்தினர் கொடூரமான முறையில் தாக்குதல் மேற்கொண்டுள்ளதுடன், அவர்களை இராணுவத்தினர் அழைத்து சென்றுள்ளதாகவும் அங்கிருந்து கிடைக்கும் தகவல்கள் தெரிவிக்கின்றன.

போராட்டக்காரர்கள் விண்ணதிரும் கோசங்களுடன் எதிர்ப்பு நடவடிக்கையில் ஈடுபட்டுள்ளனர்.

குறித்த பகுதியில் இராணுவத்திற்கு பதிலாக “ அவண்காட்” உறுப்பினர்கள் அழைத்து வரப்பட்டுள்ளதாகவும், முழுமையாக முகங்களை மூடியிருப்பதால் அடையாளம் காண்பதில் சிக்கல் தன்மை இருப்பதாகவும் போராட்டக்காரர்கள் தெரிவிக்கன்றனர்.

கொழும்பு – காலிமுகத்திடலில் போராட்டத்தில் ஈடுபட்டுள்ள “கோட்டா கோ கம” போராட்டக்காரர்களை நள்ளிரவு வேளை அங்கிருந்து அகற்றும் நடவடிக்கைகள் முன்னெடுக்கப்படுவதாக தெரிவிக்கப்படுகிறது.

இதன் காரணமாக போராட்டக்காரர்களுக்கும், இராணுவத்தினருக்கும் இடையில் கடும் மோதல் நிலவி வருகின்றது.

கொழும்பில் உள்ள சிறிலங்கா அதிபர் செயலகத்திற்கு நள்ளிரவில் திடீரென பாதுகாப்பு பலப்படுத்தப்பட்டுள்ளதாக அங்கிருற்து கிடைக்கும் தகவல்கள் தெரிவிக்கின்றன.

சற்றுமுன் திடீரென ஆயுதம் ஏந்திய பாதுகாப்பு பிரிவினர் நூற்றுக்கணக்கானோர் அதிபர் செயலகத்திற்குள் சென்றுள்ளதாக கூறப்படுகின்றது.

இராணுவம் உள்ளிட்ட பாதுகாப்பு பிரிவினரே இவ்வாறு களமிறக்கப்பட்டுள்ளதாக தெரிவிக்கப்படுகின்றது.

இதனால் காலிமுகத்திடல் போராட்டக்களத்தில் பதற்றம் நிலவி வருவதுடன், பாதுகாப்பு படை குவிப்புக்கப்பட்டு வீதிகள் மூடப்பட்டுள்ளது.

RELATED ARTICLES

Most Popular

Recent Comments